தெகிடி திரை விமர்சனம்

‘நாளைய இயக்குனரி’லிருந்து இன்றைய இயக்குனராக களமிறங்கியிருக்கும் இன்னொரு படம் ‘தெகிடி’. சஸ்பென்ஸ் த்ரில்லராக உருவாக்கப்பட்டிருக்கும் இப்படம் ரசிகர்களை எந்தளவு ஈர்த்துள்ளது?

கதைக்களம்
நமக்கே தெரியாமல் நம்மை ‘பகடை’ காயாய் பயன்படுத்தி விளையாடப்படும் சூது விளையாட்டே ‘தெகிடி’.

எம்.ஏ. கிரிமினாலஜி படித்து முடித்ததும் ‘ரேடியல் டிடெக்டிவ் ஏஜென்ஸி’யில் வேலைக்குச் சேர்கிறார் நாயகன் வெற்றி (அஷோக் செல்வன்). அவருக்குக் கொடுக்கப்படும் ஒவ்வொரு புராஜெக்ட்டையும் வெற்றிகரமாக முடித்துக் கொண்டே வருகிறார். அதில் நாயகி மதுவைப் (ஜனனி) பற்றிய தகவல்களையும் அவருக்குத் தெரியாமல் சேகரித்துத் தரும்படி வெற்றியிடம் புராஜெக்ட் ஒன்று வருகிறது.

ஏற்கெனவே ஒருமுறை வெற்றியும் மதுவும் சந்தித்திருப்பதால், இருவருக்குள்ளும் ஈர்ப்பு உருவாகி, அது காதலாக மாறுகிறது. எல்லாம் சந்தோஷமாக போய்க் கொண்டிருக்கும்போதே அடுத்தடுத்து நடக்கும் சில மரணங்களால் பீதியடைகிறார் வெற்றி. அந்த மரணங்களுக்கும் அவருக்கும் ஏதோ சம்பந்தமிருப்பதுபோல் உரைக்க, அதை கண்டுபிடிக்க களத்தில் குதிக்கிறார் நாயகன். அந்த மரணங்களுக்கு பின்னணியில் சொல்லப்படும் ஒவ்வொரு சம்பவங்களும் அடுத்தடுத்த திருப்பங்கள். அதை வெண்திரையில் காண்க.

படம் பற்றிய அலசல்
தமிழ்சினிமாவில் இதுவரை சொல்லப்படாத ஒரு கதையைத் தேர்ந்தெடுத்ததற்காக அறிமுக இயக்குனர் பி.ரமேஷிற்கு ஒரு வெல்கம் பொக்கே! இப்படிக்கூட மோசடிகள் நடக்குமா என நம்மை விழி பிதுங்க வைத்திருக்கிறார். படத்தின் ஆரம்பக் காட்சிகள் கொஞ்சம் ஸ்லோவாக நகர்கின்றன. அதன்பிறகு நாயகனும், நாயகியும் சந்தித்துகொண்டதும் கதை கொஞ்சம் வேகம் பிடிக்க, இடைவேளையில் விழும் சஸ்பென்ஸ் முடிச்சுக்களால் இரண்டாம் பாதியை பார்க்கும் ஆவல் அதிகரிக்கிறது. ஆனால், அதன் பிறகு நடக்கும் விஷயங்களும், அதற்கான காட்சிகளும் ரசிகர்களுக்கு பெரிய ஆச்சரியத்தை ஏற்படுத்தவில்லை. ‘அதெப்பிடி... இதெப்பிடி...?’ என அடுத்தடுத்து மனதில் கேள்விகள் ஓடிக் கொண்டே இருக்கின்றன. இறுதியில் இவர்தான் இதற்கெல்லாம் காரணகர்த்தாவாக இருக்கும் என நாம் யூகித்து வைத்ததை அப்படியே காட்டியபோது, ஆரம்பத்தில் படத்தின்மேல் இருந்த ஆர்வம் சுத்தமாக வடிந்து போகிறது. க்ளைமேக்ஸ் முடிந்த பின்பும் வலுக்கட்டாயமாக மீண்டும் ஒரு ட்விஸ்ட்டை வைக்கத்தான் வேண்டுமா?

நடிகர்களின் பங்களிப்பு
அஷோக் செல்வனைப் பொறுத்தவரை ‘வில்லா’வில் நாம் அவரை எப்படிப் பார்த்தாமோ அதேபோல்தான் இதிலும் இருக்கிறார். எல்லாவிதமான உணர்ச்சிகளுக்கும் ஒரேவிதமான முகபாவனையுடனே காட்சியளிக்கிறார். இன்னும் கொஞ்சம் ‘எக்ஸ்பிரஷன்ஸ்’ காட்டுங்க பிரதர். கதையை நகர்த்துவதற்கு மட்டும் பயன்பட்டிருக்கிறார் நாயகி ஜனனி.

வழக்கம்போல் ஜெயப்பிரகாஷ் தனக்குக் கிடைத்த போலீஸ் ஆபிஸர் வேடத்தை கச்சிதமாக செய்து முடித்திருக்கிறார். அதேபோல் டிடெக்டிவ் ஏஜென்சி வைத்திருப்பவர்களாக வரும் பிரதீப், ஜெயக்குமாருக்கும் கவனிக்கத்தக்க கேரக்டர்கள். இவர்களைத் தவிர படத்தில் கவனம் ஈர்க்கும் இன்னொரு கதாபாத்திரம் நாயகனின் நண்பன் ‘நம்பி‘யாக நடித்திருக்கும் காளி வெங்கட். கொஞ்சம் வித்தியாசமான தமிழ்சினிமா நண்பனாக காட்சியளித்திருக்கிறார்.

பலம்
* மோசடி நடக்கும் ஒரு வித்தியாசமான கதைக்களனை தமிழ்சினிமாவில் அறிமுகப்படுத்தியிருப்பது.
* பாடல்களை இடையிடையில் தனியாக சொருகாமல், அத்தனை பாடல்களையுமே ‘மான்டேஜ்’ஜாக கையாண்டிருப்பது.
* இடைவேளைக்கு முன்பு நடக்கும் விறுவிறுப்பான காட்சிகளும். படம் நெடுக ஆங்காங்கே இடம்பெறும் ட்விஸ்ட்களும்.
* போரடிக்காத பாடல்களும், கதைக்கேற்ற பின்னணி இசையும். காட்சிகளை அழகாகப் படம்பிடித்த ஒளிப்பதிவு.

பலவீனம்
* சுவாரஸ்யமில்லாமல் நகரும் படத்தின் முதல் அரைமணி நேரக் காட்சிகள்.
* லாஜிக் ஓட்டைகள் (காட்சிகளைக் குறிப்பிட்டால் சுவாரஸ்யம் குறைந்துவிடும் வாய்ப்பிருப்பதால் தவிர்த்திருக்கிறோம்)
* இரண்டாம் பாதியை கொஞ்சம் இழுத்தடித்த எடிட்டிங்கும், யூகிக்கக்கூடிய க்ளைமேக்ஸும்.
* 2 மணி நேரம் 10 நிமிடம் ஓடக்கூடிய இப்படம், ஏதோ ஒரு நீண்ட படத்தைப் பார்ப்பதைப் போன்ற உணர்வைத் தருவது.

மொத்தத்தில்...
அறிமுக இயக்குனர் என்ற வகையில் பி.ரமேஷ் ஒரு வித்தியாசமான சஸ்பென்ஸ் த்ரில்லர் படத்தை தர முயன்தற்காக பாராட்டும் அதேவேளையில், வழக்கம்போல் தமிழ்சினிமாவில் நடக்கும் அதே லாஜிக் மீறல்களுக்கு இப்படமும் விதிவிலக்கல்ல என்பதையும் குறிப்பிடாமல் இருக்க முடியவில்லை. இன்னும் கொஞ்சம் சுவாரஸ்யத்தைக் கூட்டி, காட்சிகளை ‘ஷார்ப்’பாக வைத்திருந்தால் பெரிய அளவில் பேசப்பட்டிருக்கும் இந்த ‘தெகிடி’.

ஒரு வரி பஞ்ச் : லாஜிக்கைப் பற்றி கவலைப்படாத ரசிகர்களுக்கு வியப்பு... ஹாலிவுட் படம் பார்க்கும் ரசிகர்களுக்கு அலுப்பு!

சுவாரஸ்யத் தகவல்கள்

1. இப்படத்தின் இயக்குனர் பி.ரமேஷ் ‘நாளைய இயக்குனர் சீசன் 2’வில் ‘பருதி மாறன்’ என்ற குறும்படத்திற்காக முதல் பரிசை வென்றவர். இரண்டு நாய்களின் மீது ஒரு குடும்பம் வைத்திருக்கும் பாசத்தை நெகிழ்ச்சியாகச் சொன்ன இந்த குறும்படம் பெரிய வரவேற்பைப் பெற்றது.

2. இப்படத்தை முதலில் ஆரம்பித்தது சி.வி.குமாரின் ‘திருக்குமரன் என்டர்டெயின்மென்ட்’ நிறுவனம். அதன்பிறகு அவரின் சகோதரர் சி.செந்தில்குமார் ‘வேல் மீடியா’ என்ற நிறுவனத்தை ஆரம்பித்து இப்படத்தை இணைந்து தயாரித்துள்ளார்.

3. ‘தெகிடி’ என்றால் பகடை, சூது விடையாட்டு, புரட்டு என தமிழில் அர்த்தம்!

தயாரிப்பு :வேல் மீடியா
இயக்கம் : பி.ரமேஷ்
நடிப்பு : அஷோக் செல்வன், ஜனனி, ஜெயபிரகாஷ், காளி வெங்கட்
ஒளிப்பதிவு : தினேஷ் கிருஷ்ணன்
இசை : நிவாஸ் கே.பிரசன்னா
எடிட்டிங் : லியோ ஜான் பால்

- top10cinema

‘வழக்கு எண்’ நடிகை மனிஷா யாதவின் லேட்டஸ்ட் ஸ்டில்ஸ்...

Actress Madhu Shalini Latest Gallery

‘மான் கராத்தே’ ஆல்பத்தில் கலக்கல் காம்பினேஷன்!

விஜய், அஜித்துக்கு இசையமைக்கும் சந்தோஷத்தில் இருக்கும் அனிருத்தின் அடுத்த ஆல்பம் ‘மான் காரத்தே’. வரும் மார்ச் 1ஆம் தேதி ரிலீஸாகவிருக்கும் இந்த ஆல்பத்தில் என்னென்ன சிறப்புகள் காத்திருக்கின்றன தெரியுமா?

மொத்தம் 5 பாடல்களைக் கொண்ட இந்த ஆல்பத்தில், முதல் பாடலை இசையமைப்பாளர் அனிருத்தே பாடியிருக்கிறார். ‘மாஞ்ஜா...’ எனத் தொடங்கும் இந்தப் பாடலின் வரிகளை இளமைக் கவிஞர் மதன் கார்க்கி எழுதியிருக்கிறார்.

ஆல்பத்தின் அடுத்த பாடலின் குரல்களுக்குச் சொந்தக்காரர்கள் பென்னி தயாளும், சுனிதி சௌகானும். ‘டார்லிங் டம்பக்கு...’ எனத் தொடங்கி யூத்களை ஆட வைக்கவிருக்கும் இப்பாடலை எழுதியிருப்பவர் கவிஞர் யுகபாரதி. அனேகமாக ‘ஃபர்ஸ்ட் லுக்’ டீஸரின் பின்னணியில் ஒலித்த பாடலாக இது இருக்கலாம்.

ஆல்பத்தின் மூன்றாவது பாடலான ‘உன் விழிகளில்...’ நிச்சயம் நம்மை மெய்மறக்கச் செய்யும் மெலடியாக இருக்க அதிக வாய்ப்புண்டு. இப்பாடலை அனிருத்துடன் இணைந்து பாடியிருக்கிறார் நடிகை ஸ்ருதிஹாசன். இந்தப் பாடலுக்கு இன்னொரு சிறப்பும் உண்டு. இப்பாடலை எழுதியிருப்பவர் சிவகார்ததியனுக்கு நெருக்கமானவரும், படத்தின் கிரியேட்டிவ் புரொடியூசருமான ஆ.டி.ராஜா.

இந்த ஆல்பத்தின் அடுத்த பாடலான ‘ராயபுரம் பீட்டர்...’ பாடலை எழுதியிருப்பவரும் ஆ.டி.ராஜாவே. ரசிகர்களுக்கு வித்தியாச விருந்தாக அமையவிருக்கும் இந்தப் பாடலை நடிகர் சிவகார்த்திகேனும், நாட்டுப்புற பாடல் ஸ்பெஷல் ‘பரவை’ முனியம்மாவும் இணைந்து பாடியிருக்கிறார்கள். இந்தப் பாடலுக்கு தியேட்டர்கள் அதிரப் போவது நிச்சயம் என்பது இப்பாடலைப் பாடியிருக்கும் பாடகர்களின் காம்பினேஷனைப் பார்த்தாலே தெரிகிறது.

நீண்டநாட்களாக தேவாவின் குரலைக் கேட்காமல் இருந்த ரசிகர்களுக்கு ‘மான் கராத்தே’ ஆல்பத்தின் கடைசி பாடலான ‘ஓபன் தி டாஸ்மாக்....’ அந்தக் குறையை நிவர்த்தி செய்யும். இந்தப் பாடலை தேவாவுடன் இணைந்து பாடியிருக்கிறார் அனிருத்!

மொத்தத்தில், சிவகார்த்திகேயன் & ஹன்சிகாவின் வித்தியாசமான காம்பினேஷனைப் போலவே ‘மான் கராத்தே’ ஆல்பத்தின் ஒவ்வொரு பாடலும் வித்தியாசமாகவே அமைந்திருப்பதால் ‘ப்ளாக்பஸ்டர் ஆஃப் தி இயரா’க அமையுமா என்பது இன்னும் சில நாட்களில் தெரிந்துவிடும்.

முருகாதஸ் படத்தில் விஜய்க்கு இரட்டை வேடம் இல்லை!

‘துப்பாக்கி’யை தொடர்ந்து விஜய்,  ஏ.ஆர்.முருகதாஸ் இணைந்திருக்கும் படத்தின் படப்பிடிப்பு தற்போது ஜெட் வேகம் பிடித்திருக்கிறது! இந்தப் படத்தில் விஜய்யுடன் வங்காள மொழி நடிகர் டோட்டா ராய் வில்லனாக நடிக்கிறார்!  இவர்கள்  சம்பந்தப்பட்ட ஒரு சண்டைக்காட்சியை சமீபத்தில் படம் பிடித்துள்ளார் இயக்குனர் ஏ.ஆர்.முருகதாஸ்! இந்நிலையில் நடிகர் டோட்டா ராய் படத்தின் ஸ்டோரி லைன் பற்றியும் அதில் தனது கேரக்டர் குறித்தும் வெளியில் சொன்னார் என்று ஒரு தகவல் வெளியானது! ஆனால் அதை மறுத்து முருகதாஸ், ‘‘படத்தில் டோட்ட ராயும் ஒரு வில்லனே தவிர, அவர் முக்கிய வில்லன் கிடையாது!  அவர் படத்தின் கதை குறித்தும் தன் கேர்கடர் குறித்தும்  வெளியில் சொன்னார் என்று வந்த தகவலில் உண்மை இல்லை! விஜய்க்கு இரட்டை வேடமும் கிடையாது’’ என்று கூறியிருக்கிறார்.

விஜய்க்கு ஜோடியாக சமந்தா நடிக்கும் இப்படத்திற்கு இசை அனிருத். ஐயங்கரன் இன்டர்நேஷனல், லைகா புரொடக்ஷன்ஸ் இணைந்து இப்படத்தை தயாரிக்கின்றன. இந்த வருட தீபாவளி வெளியீடாக வரவிருக்கும் இப்படத்திற்கு ‘தீரன்’ என தற்காலிகமாக பெயர் வைத்திருக்கிறார்கள்.

விஜய்சேதுபதியின் புது ஜோடி!

‘வழக்கு எண் 18/9’ படத்தின் மூலம் தமிழ்சினிமாவில் நுழைந்து ‘ஆதலால் காதல் செய்வீர்’, ‘ஜன்னலோரம் போன்ற படங்களின் மூலம் ரசிகர்களின் கவனம் ஈர்த்தவர் மனீஷா. அம்மணி தற்போது விஜய்சேதுபதிக்கு ஜோடியாக நடிக்கிறார்.

திருப்பதி பிரதர்ஸ் தயாரிப்பில் இயக்குனர் சீனு ராமசாமி இயக்கும் ‘இடம் பொருள் ஏவல்’ படத்தின் ஹீரோ விஜய்சேபதி. இந்தப் படத்திற்குதான் தற்போது மனீஷா ஹீரோயினாக ஒப்பந்தம் ஆகியிருக்கிறார்.

‘‘அஜித்துடன் நடிக்க வேண்டும்’’ - சமந்தாவின் ஆசை

சூர்யாவுடன், ‘அஞ்சான்’, விஜய்யுடன் ஏ.ஆர்.முருகதாஸ் இயக்கும் படம் என நடித்து வரும் சமந்தாவிடம் ட்விட்டரில் ஒரு ரசிகர்,  ‘‘அஜித்துடன் இணைந்து எப்போது நடிக்கப் போறீங்க?’’ என்று கேட்ட கேள்விக்கு, சமந்தா பதில் அளிக்கையில், ‘‘அவருடன் இணைந்து நடிக்க எனக்கும் ரொம்ப ஆசைதான்! அந்த சந்தர்பம் விரைவில் வரும் என்று நம்புகிறேன்! அது எனது அடுத்த படமாக அமைந்தால் நான் ரொம்பவும் சந்தோஷப்படுவேன்’’ என்று கூறியிருக்கிறார்! ஏற்கெனவே பல நடிகைகள் அஜித் கூட நடிக்கும் வாய்ப்பு கிடைக்குமானால் சம்பளம் ஒரு பிரச்சனை இல்லை என்றும், சம்பளம் இல்லாமல் கூட நடிக்க தயார் என்றும் கூறியுள்ள நிலையில் சமந்தாவும் அஜித்துடன் நடிக்கும் தனது விருப்பத்தை தெரிவித்திருக்கிறார்.

Actress Ileana latest hot stills

Actress Swathi cute stills

மணிரத்னம் எடுக்கும் படம் பொன்னியின் செல்வனா?

நீண்டகாலமாகவே மணிரத்னம் ‘பொன்னியின் செல்வன்’ காவியத்தை படமாக்க இருக்கிறார் என்றார் பேச்சு இருந்து வருகிறது. எத்தனையோ முறை முயற்சி செய்தும் அவரால் அப்படத்தை எடுக்க முடியவில்லை. ஆனால், தற்போது சத்தமில்லாமல் அதற்கான வேலைகளில் மணி இறங்கியுள்ளார் என்று அவரின் நெருங்கிய வட்டாரங்களில் இருந்து தகவல்கள் கிடைத்துள்ளன.

அதாவது தற்போது மகேஷ்பாபு, பஹத் பாசில், ஐஸ்வர்யா ராய், ஸ்ருதிஹாசன் ஆகியோரை வைத்து ஒரு படம் இயக்க இருக்கிறார் என்ற பேச்சு அடிபட்டு வருகிறதல்லாவா? அந்தப்படம் மணிரத்னத்தின் கனவுப்படமான ‘பொன்னியின் செல்வன்’தான் என்கிறார்கள். எது எப்படியோ மணிரத்னம் மறுபடியும் திரும்பி வரவேண்டும் என்பதே ரசிகர்களின் ஆவல்.

Aaha Kalyanam Heroin Vani Kapoor hot stills