முருகாதஸ் படத்தில் விஜய்க்கு இரட்டை வேடம் இல்லை!

‘துப்பாக்கி’யை தொடர்ந்து விஜய்,  ஏ.ஆர்.முருகதாஸ் இணைந்திருக்கும் படத்தின் படப்பிடிப்பு தற்போது ஜெட் வேகம் பிடித்திருக்கிறது! இந்தப் படத்தில் விஜய்யுடன் வங்காள மொழி நடிகர் டோட்டா ராய் வில்லனாக நடிக்கிறார்!  இவர்கள்  சம்பந்தப்பட்ட ஒரு சண்டைக்காட்சியை சமீபத்தில் படம் பிடித்துள்ளார் இயக்குனர் ஏ.ஆர்.முருகதாஸ்! இந்நிலையில் நடிகர் டோட்டா ராய் படத்தின் ஸ்டோரி லைன் பற்றியும் அதில் தனது கேரக்டர் குறித்தும் வெளியில் சொன்னார் என்று ஒரு தகவல் வெளியானது! ஆனால் அதை மறுத்து முருகதாஸ், ‘‘படத்தில் டோட்ட ராயும் ஒரு வில்லனே தவிர, அவர் முக்கிய வில்லன் கிடையாது!  அவர் படத்தின் கதை குறித்தும் தன் கேர்கடர் குறித்தும்  வெளியில் சொன்னார் என்று வந்த தகவலில் உண்மை இல்லை! விஜய்க்கு இரட்டை வேடமும் கிடையாது’’ என்று கூறியிருக்கிறார்.

விஜய்க்கு ஜோடியாக சமந்தா நடிக்கும் இப்படத்திற்கு இசை அனிருத். ஐயங்கரன் இன்டர்நேஷனல், லைகா புரொடக்ஷன்ஸ் இணைந்து இப்படத்தை தயாரிக்கின்றன. இந்த வருட தீபாவளி வெளியீடாக வரவிருக்கும் இப்படத்திற்கு ‘தீரன்’ என தற்காலிகமாக பெயர் வைத்திருக்கிறார்கள்.