வரும் பொங்கலுக்கு ஐ, என்னை அறிந்தால், ஆம்பள, கொம்பன், காக்கி சட்டை ஆகிய 5 படங்கள் தங்களின் ரிலீஸை அறிவித்திருக்கின்றன. இப்போதிருக்கும் சூழலில் கண்டிப்பாக இத்தனை படங்கள் வெளியாக சாத்தியமேயில்லை. அதிலும் குறிப்பாக ‘ஐ’யும், ‘என்னை அறிந்தாலு’ம் ஒரே நேரத்தில் வெளியாக கண்டிப்பாக சாத்தியமில்லை.
இது ஒருபுறமிருக்க இன்னும் மேற்கண்ட படங்களில் சில படங்களின் ஷூட்டிங் முடியவில்லை என்ற அதிர்ச்சித் தகவல் வெளியாகியிருக்கிறது. அஜித்தின் ‘என்னை அறிந்தால்’ படத்தின் கடைசி கட்ட ஷூட்டிங் தற்போது தரமணியில் நடைபெறுகிறது. இது முடிய எப்படியும் 22ஆம் தேதி ஆகிவிடும். அதன் பிறகு பாடல்களை வெளியிட்டு, படத்தின் போஸ்ட் புரொடக்ஷன்களை முடித்து, படத்தை சென்சாருக்கு அனுப்பி என நினைத்துப் பார்த்தால் கண்ணைக் கட்டுகிறது. எங்களுக்கு கிடைத்த தகவலின்படி ‘என்னை அறிந்தால்’ பொங்கலுக்கு வெளியாவது சந்தேகம்தான்.
‘ஐ’யும் தற்போது ஒரு சில காட்சிகளை ரகசியமாக மீண்டும் எடுத்து வருகிறார்களாம். காரணம், அர்னால்டுக்கு படத்தின் சில காட்சிகளை போட்டுக் காட்டியபோது அவர், ஒரு சில காட்சிகளை ஹாலிவுட் படங்களில் தான் ஏற்கெனவே பார்த்திருப்பதாகக் கூறினாராம். அதனால் தற்போது அந்த காட்சிகளை மாற்றி எடுத்து வருகிறார்களாம். ஆனாலும் திட்டமிட்டபடி பொங்கலுக்கு ‘ஐ’ ரிலீஸாவது உறுதி என்கிறார்கள்.
‘ஆம்பள’ தற்போது 2 பாடல்களின் ஷூட்டிங்கிற்காக இத்தாலி செல்லவிருக்கிறது. வரும் கிறிஸ்துமஸ் அன்று பாடல்களை வெளியிடவிருக்கிறது. அதனைத் தொடர்ந்து சென்சாருக்கு செல்கிறது. படம் பொங்கலுக்கு வெளியாவது 100% உறுதி.
‘காக்கி சட்டை’யைப் பொறுத்தவரை ஏதாவது ஒரு பெரிய படம் வெளியேறினால் களமிறங்குவது என்ற முடிவில் இருக்கிறது. அதனால் கடைசி நேரத்தில் இப்படம் பின்வாங்கும் என்கிறார்கள்.
கார்த்தியின் ‘கொம்பன்’ படம் பொங்கல் ரிலீஸ் என்று அறிவித்திருந்தாலும் இன்னும் சில நாட்கள் ஷூட்டிங் பாக்கி இருக்கிறது. எனவே இந்த அறிவிப்பு வெறும் விளம்பரம்தான் என்கிறார்கள். பிப்ரவரியில் வெளியிடத்தான் திட்டமாம்.
ஆக, ஐ, ஆம்பள இந்த இரண்டு படங்கள் மட்டுமே இப்போதைக்கு பொங்கல் ரிலீஸுக்கு உறுதி செய்யப்பட்டுள்ளன.
Pongal Release 2015, Tamil Movies, I, Yennai Arindhaal, Ambala, Komban, Kakki Sattai, Ajith, Shankar, Vikram, Karthi, Vishal, Sivakarthikeyan
Yendaa, italykku 2 paattukku innum padam pidikka pona padam varum. 22 thethi padam finishaaga pora padam varaadhu. Kirukku. Already post production work parallelaa work poyittu irukku for YA. YA is sure shot ready for Pongal. Mokka VJ fan- Yendaa ippadi poyya sollittu thiriyara.
ReplyDelete